今年嘅夏天我足足差吾多大左一個碼呀!

簡直 ~ 慘不忍睹

   本身係bobo走前我已經肥左好多,到bobo走左之後我肥得仲緊要呀!致肥嘅其中一個原因係我知道bobo想我生活得開開心心,肥肥白白呀!講完自己都想笑呀!

   以前有bobo時,我晚晚食完飯都帶佢去散步起碼一小時,星期六日又會帶佢通山跑,而家我簡直無所以事事,每日放工番去就係煮飯等個佬番食飯,洗碗,沖完涼就訓係度睇電視...直至訓覺...星期六個佬下午無得休息,我放工就番去訓覺,跟住就係煮飯等個佬番食飯,洗碗,沖完涼就訓係度睇電視...直至訓...到星期日..日日都熱到死..邊度都吾想去...係屋企涼冷氣...訓覺...食野...再訓覺...再食野....晚飯就可能出去食...不過都會盡快趕番屋企...沖完涼就訓係度睇電視...直至訓.....無哂方向,無哂目標....

   雖然我嘅生活其他人會覺得好似好無聊,好悶,但我一D都吾覺,我覺得好開心,好舒服,原來我要求係好簡單...唯一令我吾開心就係失去bobo....仲有一樣就係肥呀!

   口同心都知要減肥,成日講,做又無做...到左今個星期我開始努力,盡量減少食量,希望我可以堅持落去啦!

(連我最心愛嘅荔枝,花生...放係面前我都忍住吾食呀!)